PANGAJARAN WAWANCARA

Wangenan Wawancara

Wawancara téh hiji kagiatan komunikasi nu geus ilahar lumangsung di masarakat. Ngan teu kabéh masarakat sok ngahajakeun saban waktu ngawawancara. Wawancara mah biasana dilakukeun ku wartawan, réporter, atawa jalma lianna nu nganggap perlu, upamana mahasiswa nu keur ngalakukeun panalungtikan, murid-murid sakola nu meunang pancén ti guruna, atawa ti lembaga sensus penuduk nu ngawawancara warga.

Wawancara mah kaasup kagiatan nyarita dua arah. Aya nu nanya jeung aya nu ngajawab. Saméméh ngalakukeun wawancara, urang perlu tatahar heula.

Sababaraha hal anu dianggap perlu disadiakeun samemehna di antarana saperti ieu di handap.

§  Keur kaperluan naon?

§  Naon wae nu ditanyakeunana?

§  Saha nu rek ditanya?

§  Ka mana kudu nepunganana?

§  Iraha waktuna?

§  Jeung sajabana.

Kalimah tanya anu disusun ku urang ulah panjang teuing. Mun bisa mah parondok jeung togmol (langsung) kana sasaran.

Kalimah tanya modél di luhur jadi bahan pikeun urang dina waktu geus tepung jeung narasumber. Narasumber téh jalma nu baris dipénta kateranganana. Narasumber bisa rupa-rupa, gumantung kana kaperluan pananya. Upama perlu informasi ngeunaan kasenian, nya datang ka narasumber nu ahli dina widang seni. Upama nu diwawancarana menteri pendidikan, tangtu nu dipiharep katerangan perkara pendidikan/atikan. Upama aya jalma nu nganggap perlu meunang katerangan ngeunaan olahraga, tangtu éta jalma baris ngadatangan jalma nu ahli dina widang olahraga, upamana atlit, pelatih atawa guru olahragana pisan. Kitu waé satuluyna.

TAHAPAN - TAHAPAN WAWANCARA 

Tahap - tahap Ngawawancara

Narasumber            : 

Adi Nugraha S.Sen

(Guru Mata Pelajaran Seni Budaya SMAN 3 CIAMIS)
Anu ngawawancara  : 

Ai Fitriani Ø Annisa Ø Aulia Tubiroh Ø Indah Yulianti
(Kelas X IIS 2 SMAN 3 CIAMIS )

Sesi Ngawawancara  :

Bubuka dina wawancara
Murid      :  “Assalamu’alaikum ?”
Pa Adi  :  “Wa’alaikumsalam.”
Murid      :  “Bapa hapunten badé ngaganggu waktosna, sim kuring sareng rerencangan di papancenan tugas ku guru Basa Sunda, nyaéta dipiwarang ngawawawancara salah sahiji guru mata pelajaran  Bahasa, Atikan sareng Seni Budaya. Kumargi Bapa guru di widang seni budaya, sim kuring sareng réréncangan badé ngawawancara bapa,kumaha Pa sayogi badé diwawancara ku sim kuring sareng rerencangan ?”

Eusi wawancara
Pa Adi  :  “Nya mangga waé, teras badé naroskeun ngeunaan naon ?”
Murid      :  “Abdi,badé naroskeun ngeunaan kabudayaan Sunda di jaman ayeuna.
Pa Adi  :  “Nya  mangga.”
Murid      :  “Kumaha kamandang Bapa ngeunaan kabudayaan Sunda ayeuna ?’’
Pa Adi  :  “Upami di taliti kabudayaan sunda jaman ayeuna téh pikasediheun.”
Murid      :  “Naon sababna ?”
Pa Adi  :  “Nya éta jaman ayeuna mah teu budak ngora teu kolot téh tos jarang nu  mikacinta kabudayaanna sorangan,nyaéta budaya sunda.”
Murid      :  “Kabudayan mangrupa naon anu tos di leungitkeun ku masyarakat

                  sunda?”
Pa Adi  :  “sapertos dina bahasa,kabiasaan,sopan santun,sareng sajabana”.
Muridi     :  “faktor naon waé anu nyababkeun masyarakat sunda henteu apal atanapi henteu mikacinta kana budayana sorangan?”
Pa Adi :  “faktor nu nyababkeunna nyaéta,ayana budaya asing,tara ngamumulé budayana, jarang ditampilkeun dina acara-acara adat, jarang komunikasi sareng sajabana”.
Murid     :  “kumaha carana supaya masyarakat sunda téh mikacinta kana kabudayaanna sorangan?”
Pa Adi :  “kudu dimumulé ti ayeuna kénéh éta kabudayaan supaya éta budaya teu leungit atanapi dicokot ku nagara batur,di lestarikeun,dipintonkeun dina acara-acara adat,sareng kudu diajarkeun ka murangkalih supaya pada mikacinta”.

Panutup wawancara

Murid     :  “bapa hatur nuhun kana waleranana”. Hapunteun bilih  ngaganggu waktos bapa. Wassalamu’alaikum wr.wb.
Pa Adi :  Wa’alaikumsalam wr.wb

CONTO VIDEO WAWANCARA

Latihan Soal 1
Sabada hidep ningali video wawancara di luhur, jawab sababaraha patalékan ieu di handap!

1.        Saha ngaran anu ngawawancara téh?

2.        Naon ngaran acara wawancara éta téh?

3.        Saha ngaran nu diwawancara téh, naon propésina?

4.        Tos sabaraha taun Bu Susi damel di kantin BPI?

5.        Bangbaluh (keluhan) naon nu dirandapan ku Bu Susi?

6.        Sabaraha penghasilan Bu Susi sadintenna?

7.        Naon nu dipidamel ku Bu Susi nalika kantin libur?

8.        Naha kungsi aya insiden di kantin Bu Susi? Insidén naon éta téh?

9.        Ti jam sabaraha dugi ka jam sabaraha Bu Susi damel di kantin?

10.    Upami aya pedagang lain, Bu Susi ngaraos kasaingan teu?

Latihan Soal 2
Pék wawancara hiji tokoh di masarakat atawa idola hidep, tuluy catet hasil jeung léngkah-léngkah wawancarana pidangkeun di hareupeun babaturan kelas!

NO.	ASPEK PENILAIAN	BOBOT NILAI	SKOR
A	Ngagunakeun Basa	5-25
1.	Pelafalan & Intonasi
2.	Diksi, gaya basa, & undak usuk bahasa
3.	Struktur basa (Bentuk kecep & kalimah)
B	Organisasi &Sistem Laporan	5-25
1.	Kasaluyuan patalékan kana topik
2.	Urutan uraian sistematis
C	Pangawasaan Eusi	5-25
1.	Pangawasaan eusi
2.	Pamahaman
D	Penampilan (Ekspresi)	5-25
1.	Gesture (paroman & gerak)
2.	Kreasi, gaya, & lancarna nyarita  (tutur)

Conto Laporan Wawancara

 

 

Conto Video Wawancara Siswa SMANTIC